जळगाव प्रतिनिधी । शासकीय रूग्णालयात उपचार सुरू असतांना मजूराचा उपचारादरम्यान मृत्यू झाल्याची घटना घडली आहे. दरम्यान हा मृत्यू डॉक्टरांच्या निष्काळजीपणामुळे मृत्यू झाल्याचा आरोप नातेवाईकांनी केला आहे. यावेळी शासकीय रूग्णालयात नातेवाईकांनी एकच गर्दी केली होती.
याबाबत माहिती अशी की, अवचित काळू तायडे (वय-४६) रा. समता नगर, जळगाव यांची सोमवारी ४ एप्रिल रोजी दुपारी अचानक प्रकृती खालवली. डाव्या बाजूने पॅरालिसीस सारखा त्रास होत होता. नातेवाईकांना त्यांना तातडने जिल्हा शासकीय वैद्यकीय महाविद्यालयात दाखल करण्यात आले होते.
दरम्यान, रात्री ११ वाजता रूग्णालयात उपचार सुरू असतांना अवचित तायडे यांचा मृत्यू झाला. डॉक्टरांच्या हलगर्जीपणामुळे काळे याचा मृत्यू झाला आहे असा आरोप त्यांच्या नातेवाईकांनी केला असुन संबंधितांवर कारवाईची मागणी केली आहे.
अवचित काळे यांना रूग्णालयात भरती करून पाहिजे तसे उपचार केले नाही. त्यांना दिवसभर केवळ सलाईन लावून ठेवले तर रात्री ऑक्सीजन लावला मात्र ऑक्सीजन नळीही व्यवस्थित मशीनला न लावता जमिनीवर पडलेली असल्याचे दिसून आले. याबाबतचा व्हिडीओसुध्दा नातेवाईकांकडे आहे. नंतर अचानक हॉस्पिटलमध्ये मेंदूचे डॉक्टर नसल्याचे उत्तर नातेवाईकांना दिल. त्यांना दुसऱ्या ठिकाणी हलवावे लागेल असे सांगण्यात आले. परंतू काही करण्याच्या आत काळे याचा मृत्यू झाला.
डॉक्टरांच्या हलगर्जीपणामुळेच अवचित काळे यांचा मृत्यू झाल्याचा आरोप मयत अवस्थेत काही यांचे जावई सुनील पवार, भाचा विकास अडकमोल, पुतण्या उत्तम तायडे यांनी केला आहे. संबंधित डॉक्टर तसेच कर्मचाऱ्यांवर कारवाई करावी अशी मागणीही माहीत अवचित का यांच्या नातेवाईकांनी केली असून याबाबत पोलिसांत तक्रार देणार असल्याचेही त्यांनी सांगितले. दरम्यान घटनेची माहिती मिळाल्यावर जिल्हा रुग्णालयात नातेवाईकांनी एकच गर्दी केली होती.
