जळगाव प्रतिनिधी । गेल्या आठवड्यात खूनाची घटना ताजी असतांना आज सांयकाळी पुन्हा एका तरूणाचा चॉपरने खून केल्याची धक्कादायक घटना घडली आहे. खूनाचे कारण अद्याप समजू शकले नाही.
महंमद मुसेफ शेख इसाक (वय-४०) रा. शिवाजी नगर जळगाव असे मयत तरूणाचे नाव आहे.
सुत्रांकडून मिळालेली माहिती अशी की, शिवाजी नगर हुडको परिसरात राहणारा तरूण महंमद मुसेफ शेख इसाक या तरूणावार चॉपरने वार करून खून केल्याची धक्कादायक घटना समोर आली आहे. खून करण्याचे कारण अद्याप समजू शकले नाही. अज्ञात हल्लेखोर हे खून करून पसार झाले आहे. दरम्यान, घटनेची माहिती मिळाल्यानंतर शहर पोलीस ठाण्याचे पोलीस कर्मचारी यांनी धाव घेतली असून पंचनामा करण्याचे काम सुरू आहे.
