जळगाव : प्रतिनिधी
जळगाव ते छत्रपती संभाजीनगर महामार्गावर १५ ते २० अर्धनग्न तरुणांनी हातात तलवारी, अंडी व मोठमोठे दगड घेऊन महामार्ग अडविला. तसेच अनेक वाहनांवर हल्ला केला. दगडफेक केल्याने वाहनांचे मोठे नुकसान झाले. ही घटना २१ एप्रिल रोजी मध्यरात्री दीड वाजेच्या सुमारास घडली.
सविस्तर वृत्त असे कि, तांबापुरा परिसरातील मतीन पटेल व त्यांचे कुटुंबीय छत्रपती संभाजीनगर येथून जळगावकडे येत असताना गाडेगावनजीक एका पाईप कंपनीजवळ १५ ते २० अर्धनग्न तरुणांनी हातात तलवारी, अंडी व मोठमोठे दगड घेऊन महामार्ग अडविला. तसेच अनेक वाहनांवर दगडफेक केल्याने वाहनांचे मोठे नुकसान झाले. वाहनांमध्ये महिला व लहान मुलेदेखील होतेमतीन पटेल व इतरांनी एमआयडीसी पोलिस ठाण्यात येऊन पोलिस कर्मचारी प्रदीप पाटील, रवींद्र पाटील, कैलास पाटील यांना माहिती दिली. त्यांनी ही घटना वरिष्ठांना माहिती दिली. त्यांनी तात्काळ घटनेविषयी तपास करण्याच्या सूचना दिल्या. त्यानुसार पोलिसांकडून दगडफेक करणाऱ्या संशयितांचा शोध घेतला जात आहे. महामार्गावरुन जाणाऱ्या वाहनावर दगडफेक करणाऱ्या घटनेची सखोल चौकशी करावी, महामार्गावर सीसीटीव्ही कॅमेरे बसविण्यात यावे, रात्रीच्या सुमारास महामार्गावर पोलिसांची गस्त वाढवावी, तर महामार्गावरील सुरक्षा अधिक प्रभावी करण्यासाठी स्वतंत्र विशेष पथकाची नियुक्ती करण्याची मागणी पोलिस अधीक्षक डॉ. महेश्वर रेड्डी यांना दिलेल्या निवेदनाद्वारे केली आहे.
