जळगाव प्रतिनिधी । तालुक्यातील जळके येथून एकाची रिक्षा चोरीची घटना घडली होती. या गुन्ह्यातील संशयित आरोपीला एमआयडीसी पोलिसांनी बुधवार ३० माच रोजी जळके येथून अटक केली आहे. त्याच्या ताब्यातून चोरी रिक्षा जप्त केली असून एमआयडीसी पोलीस ठाण्यात गुन्हा दाखल करण्यात आला आहे.
एमआयडीसी पोलिसांनी दिलेल्या माहितीनुसार, गोपाल वाल्मिक सोनवणे (वय-२९) रा. जळके ता. जि. जळगाव हे रिक्षाचालक असून त्यांची रिक्षा (एमएच १९ एक्सू ७५४४) रिक्षा चालवून आपला उदरनिर्वाह करतात. २२ मार्च रोजी दुपारी १२ वाजता त्यांनी त्यांची रिक्षा घरासमोर पार्क करून लावलेली असताना संशयित आरोपी राहुल भरत जाधव (वय-२४) रा. वराड ता.जि. जळगाव याने काहीही न सांगता घरासमोर लावलेली पार्किंगला लावलेली रिक्षा चोरून नेली होती. यासंदर्भात एमआयडीसी पोलीस ठाण्यात गुन्हा दाखल करण्यात आला होता. गुन्हा दाखल झाल्यानंतर एमआयडीसी पोलिसांनी संशयित आरोपी भरत जाधव याला बुधवार ३० मार्च रोजी अटक केली आहे. त्याच्या ताब्यातील रिक्षा देखील हस्तगत केली आहे.
