धरणगाव प्रतिनिधी । घर उघडे ठेवून कुटुंबिय झोपलेले असता अज्ञात चोरट्यांनी घरातून रोकडसह सोन्याचे व चांदीचे दागिने चोरून नेल्याची घटना उघडकीला आलीय. धरणगाव पोलीस ठाण्यात गुन्हा दाखल करण्यात आलाय.
पोलिसांकडून मिळालेल्या माहितीनुसार, सुनील बाबुराव पाटील (वय-४०) रा. कवठळ ता. धरणगाव हे आपल्या कुटुंबीयांसह वास्तव्याला आहे. शेती करून आपला उदरनिर्वाह करतात. २८ मार्च रोजी रात्री ते जेवण करून कुटुंबीयांचा झोपले होते. त्यावेळी त्यांनी घराचा दरवाजा उघडा ठेवला होता. उघडा दरवाजा पाहून अज्ञात चोरट्यांनी घरात शिरून कपाटातून ६७ हजार ४०० रुपये आणि ६५ हजार रुपये किंमतीचे सोन्याचे व चांदीचे दागिने असा एकूण १ लाख ३२ हजार ४०० रुपये किंमतीचा मुद्देमाल चोरून नेला. हा प्रकार सकाळी ६ वाजता उठल्यानंतर लक्षात आला. याप्रकरणी धरणगाव पोलीस ठाण्यात अज्ञात चोरट्यांवर गुन्हा दाखल झाला आहे. पुढील तपास पोलीस हेडकॉन्स्टेबल गजानन महाजन करीत आहे.
