जळगाव प्रतिनिधी । भुसावळ तालुक्यातील कंडारी येथील पीओएच कॉलनीत जेवण झाल्यानंतर शतपावली करणाऱ्या व्यक्तीचा हातातील मोबाईल दुचाकीवरून आलेल्या तिघा भामट्यांनी धूम स्टाईल लांबवला होता. स्थानिक गुन्हे शाखेच्या पथकाने तिन जणांना अटक केली आहे.
संशयित आरोपी निकेश मधुकर वानखेडे (वय-२३, रा.कंडारी, भुसावळ), सचिन मनोज जाधव, (वय-१९, रा.पाळधी, ता.जामनेर) आणि चोरीचा मोबाईल घेणारा सिध्दांत अरुण म्हस्के (वय-२५, रा.पीओएच कॉलनी, कंडारी, भुसावळ) अशी अटक केलेल्या तरूणांची नावे आहेत. पुढील कारवाईसाठी भुसावळ शहर पोलिसांच्या ताब्यात देण्यात आले.
ही कारवाई जळगाव जिल्हा पोलिस अधीक्षक डॉ.प्रवीण मुंढे, अपर पोलिस अधीक्षक चंद्रकांत गवळी यांच्या मार्गदर्शनाखाली जळगाव गुन्हे शाखेचे पोलिस निरीक्षक किरणकुमार बकाले, पोलिस उपनिरीक्षक अमोल देवढे, एएसआय अशोक महाजन, हवालदार सुनील दामोदरे, हवालदार लक्ष्मण पाटील, नाईक किशोर राठोड, नाईक रणजीत जाधव, नाईक श्रीकृष्ण देशमुख, कॉन्स्टेबल विनोद पाटील, चालक कॉन्स्टेबल मुरलीधर बारी आदींच्या पथकाने ही कारवाई केली.
