अमळनेर : प्रतिनिधी
तालुक्यातील एका गावात महिलेचा विनयभंग झाल्याने दोन गटात हाणामारी झाल्याची घटना २९ रोजी सकाळी साडेसात वाजेच्या सुमारास घडली. परस्परांविरुद्ध मारवड पोलिस स्टेशनला गुन्हे दाखल करण्यात आला आहे.
याबाबत ३० वर्षीय महिलेने दिलेल्या फिर्यादीनुसार, २९ रोजी सायंकाळी ७:३० वाजता ही महिला घरी असताना नरेश महारू पाटील हा घरात घुसला आणि महिलेचा विनयभंग केला. महिलेचा आवाज ऐकून तिची मुले व पती घरात आल्याने नरेश व महिलेच्या पतीची झटापट झाली. त्यावेळी नरेश पळून जात असताना पाय घसरून पडल्याने डोक्याला दुखापत झाली. या प्रकाराने महिला घाबरून गेल्याने उशिराने मारवड पोलिसांत फिर्याद देण्यात आली असून पुढील तपास हेकॉ दिनेश पाटील हे करीत आहेत.
दुसऱ्या गटातर्फे देण्यात आलेल्या फिर्यादीनुसार, नरेश पाटील हा लोण पंचम येथे गेला असता त्याच्या पत्नीने कळवले की, खंडेराव पाटील, प्रशांत पाटील, संदीप पाटील व सुनील पाटील हे घरावर दगडफेक करत असून शिवीगाळ करीत आहेत. नरेश हा पोहचला असता प्रशांत याने लोखंडी टॅमीने डोक्यावर मारले. खंडेराव व सुनील यांनी लोखंडी सळई व रॉडने मारहाण केली.
