जळगाव प्रतिनिधी । लग्नाच्या कार्यक्रमाचे फोटो काढण्यासाठी गेलेल्या इंद्रप्रस्थ नगरातील छायाचित्रकार धनराज उर्फ विक्की प्रकाश चव्हाण (वय-३२) या तरूणाचा नाशिक-मालेगाव रस्त्यावर झालेल्या भीषण अपघातात ठार झाल्याची घटना शनिवारी २६ मार्च रोजी सकाळी ५ वाजता घडली त्यांचा अपघात झाला.
याबाबत माहिती अशी की, शहरातील इंद्रप्रस्थ नगर परिसरातील रहिवासी धनराज चव्हाण हे कुटुंबियांसह वास्तव्यास आहे. त्यांचा छायाचित्रकार असून त्यांचे क्षण फोटो स्टुडिओचे नावाने दुकान आहे. त्यांना नाशिक येथील लग्नाची ऑर्डर असल्याने ते आपल्या लहान भावासह काही सहकार्यांसोबत आपल्या चारचाकीने नाशिक येथे शक्रवारी २५ मार्च रोजी गेले. ऑर्डर झाल्यानंतर काम आटोपून ते शनिवारी २६ मार्च रोजी मध्यरात्री नाशिकहून निघाले. दरम्यान पहाटे ५ वाजेच्या सुमारास नाशिक-मालेगाव दरम्यान त्यांचा कारचा तिहेरी अपघात झाला. अपघात इतका विचित्र होता की, या अपघाता धनराज चव्हाण यांचा जागीच मृत्यू झाला. अपघातात निलेश यांच्यासह विनोद दांडगे, कल्पेश पाटील हे जखमी झाले असून त्यांच्यावर उपचार करण्यात आले. या घटनेची माहिती मिळताच धनराजचे नातेवाईक यांनी एकच आक्रोश केला होता.
