जळगाव प्रतिनिधी । शिवाजी नगर हुडको येथे शनिवारी २६ मार्च रोजी दुपारी प्रेमसंबंधावरून तरूणाचा निर्घृण खून करणाऱ्या संशयित आरोपी आकाश सखाराम सोनवणे (वय-२५) रा. इंद्रप्रस्थ नगर, जळगाव याला गेंदालाल मील परिसरातून अवघ्या काही तासात पोलीसांनी अटक केली आहे. याप्रकरणी शहर पोलीस ठाण्यात गुन्हा दाखल करण्यात आला आहे.
शनिवारी दुपारी नरेश आनंदा सोनवणे (वय-२८, रा. राजाराम नगर, दुध फेडरेशन, शिवाजी नगर, जळगाव) या तरूणाचा चाकू भोसकून खून करण्यात आला होता. परिसरातील नागरिकांकडून मिळालेली माहिती अशी की, शहरातील दूध फेडरेशनशहरातील दूध फेडरेशन परिसरातील राजाराम नगरातील नरेश सोनवणे हा आपल्या कुटुंबियांसह वास्तव्यास असून तो रिक्षा चालवून कुटुंबाचा उदनिर्वाह करतो. शनिवारी २६ मार्च रोजी दुपारी २ वाजेच्या सुमारास नरेश शिवाजी नगरात राहणार्‍या आपल्या विवाहित प्रेयसीला भेटण्यासाठी आला होता. विवाहित प्रेयसीचे आकाश सोनवणे सोबत सुत जुळले होते. नरेश आणि प्रेयसी या दोघांना एका खोलीत बसल्याचे पाहून रागाच्या भरात आकाशने हातातील धारदार शस्त्राने नरेशच्या पाठीवर आणि पोटावर सपासप सपासप वार करून खून केला. नरेश रक्ताच्या थारोळ्यात पडलेला असतांनाच आकाश व त्याच्या प्रेयसीने घटनास्थळाहून पळ काढला होता.
दरम्यान, संशयित आरोपी आकाश सोनवणे हा गेंदालाल मील परिसरात फिरत असल्याची माहिती स्थानिक गुन्हे शाखेला मिळाली. पोलीस निरीक्षक किरणकुमार बकाले यांच्या मार्गदर्शनाखाली सहाय्यक फौजदार अशोक महाजन, पोहेकॉ विजय महाजन, जितेंद्र पाटील, अक्रम शेख, प्रितम पाटील यांनी घटनेच्या दोन तासात संशयित आरोपी आकाश सोनवणे याला अटक केली आहे. याबाबत शहर पोलीस ठाण्यात गुन्हा दाखल करण्यात आला आला.
