यावल प्रतिनिधी । तालुक्यातील कोरपावली शिवारातील शेत लावलेल्या केळीच्या बागेचा अचानक आग लागल्याची घटना शनिवारी २६ मार्च रोजी दुपारी घडली. या आगीत ठिंबक नळ्यासह केळी पिकाचे मोठे नुकसान झाले आहे.
याबाबत माहिती अशी की, यावल तालुक्यातील कोरपावली येथील शेतकरी बाळू पंडित पाटील यांच्या केळीच्या बागेला अचानक आग लागली. ही घटना शनीवारी २६ मार्च रोजी दुपारी २ वाजेच्या सुमारास घडली. या आगीत ठिबक नळ्यासह कापणीला आलेले केळीचे घड जळून मोठे नुकसान झाले आहे. आग लागल्याचे निर्दशनास येताच भरत अशोक चौधरी, प्रकाश चौधरी, भागवत यादव महाजन, अशोक बाबुराव चौधरी, अमोल नेहेते, कलींदर तडवी, हुसेन पिंजारी, पूर्वेश चौधरी यांनी आग आटोक्यात आणली. आग लागल्याचे कारण अजून समजू शकले नाही. याप्रकरणी यावल पोलीसात माहिती देण्यात आली आहे. परंतू कोणतीही आगीची नोंद करण्यात आलेले नाही.
