जळगाव प्रतिनिधी । शिवाजी नगरातील रिक्षा चालकाचा अनैतिक संबधातून खून झाल्याचा धक्कादायक घटना घडली आहे. आज खुनाची दुसरी घटना घडल्याने शहरात खळबळ उडाली आहे. या खूनातील संशयिताला पोलीसांनी ताब्यात घेतले आहे.
नरेश आनंदा सोनवणे (वय-२८, रा. राजाराम नगर, दुध फेडरेशन, शिवाजी नगर, जळगाव) असे खून झालेल्या रिक्षा चालकाचे नाव आहे.
शहरातील दूध फेडरेशन परिसरातील राजाराम नगरातील नरेश सोनवणे हा आपल्या कुटुंबियांसह वास्तव्यास असून तो रिक्षा चालवून कुटुंबाचा उदनिर्वाह करतो. शनिवारी २६ मार्च रोजी दुपारी तो शिवाजी नगरात राहणार्‍या आपल्या विवाहित प्रेयसीला भेटण्यासाठी आला होता. यावेळी दोघे एका खोलीत बसलेले असतांना त्याठिकाणी विवाहित प्रेयसीलचा दुसरा प्रियकर आकाश सखाराम सोनवणे हा तिथे आला. आकाश घरी आल्यानंतर समोरील चित्र पाहून धक्काच बसला. आपल्या प्रेयसिला नरेशच्या मिठीत बघताच त्याची तळपायाची आग मस्तकात गेली. या कारणावरुन दोघांमध्ये वाद झाले या वादातून आकाशने धारदार शस्त्राने भोसकून नरेशचा निर्घुण खून केला. अनैतिक संबंधातून आजचा हा दुसरा खून झाला आहे. या घटनेमुळे जळगाव शहरात खळबळ उडाली आहे. याप्रकरणी जळगाव शहर पोलीस ठाण्यात गुन्हा दाखल करण्यात आला असून संशयित आरोपीस पोलीसांनी अटक केली आहे. पुढील कारवाई सुरू आहे.
