जळगाव : प्रतिनिधी
महामार्गावर असलेल्या चौधरी टोयाटो व सातपुडा ऑटोमोबाइल या चारचाकी वाहनाच्या शोरूममध्ये झालेल्या चोरीप्रकरणी नशिराबाद पोलिसांनी मध्य प्रदेशातील तीन जणांना अटक केली आहे.
सविस्तर वृत्त असे कि, जळगाव ते भुसावळ दरम्यान तरसोद फाट्यासमोर असलेल्या चौधरी टोयाटो सातपुडा ऑटोमोबाइल या चारचाकी वाहनाच्या शोरूममध्ये गेल्या महिन्यात चोरट्यांनी प्रवेश करून चोरी केली होती. यात चोरट्यांच्या हाती जास्त मुद्देमाल लागला नव्हता, मात्र शोरूममध्ये तोडफोड करून लाखो रुपयांचे नुकसान केले होते. या प्रकरणी नशिराबाद पोलिस ठाण्यात गुन्हा दाखल करण्यात आला होता.
तपासादरम्यान ही चोरी मध्य प्रदेशातील चोरट्यांनी केल्याची माहिती सपोनि ए. सी. मनोरे यांना मिळाली. त्यांनी कारवाईच्या सूचना दिल्या. त्यानुसार मेवालाल पिसीलाल मोहिते (३३, रा. बोरगाव, मध्य प्रदेश), कमलेश उर्फ कालू मन्नलाल पवार (४०, रा. रोसिया, जि. खंडवा, मध्य प्रदेश), अजय धुलजी चव्हाण (२२, रा. घटिया गराठे, मनसौर, मध्य प्रदेश) या तीन जणांना पोहेकों योगेश वराडे, युनूस शेख, गिरीश शिंदे, पोकॉ आरिफ तडवी या पथकाने खंडवा येथून अटक केले.
