जळगाव : प्रतिनिधी
घरातील सदस्य झोपलेले असताना विजय उर्फ सनी मनोज छाबडिया (२३, रा. सिंधी कॉलनी) या तरुणाने गळफास घेऊन आत्महत्या केली. ही घटना शनिवारी (८ मार्च) मध्यरात्री उघडकीस आली आहे. याप्रकरणी एमआयडीसी पोलिस ठाण्यात अकस्मात मृत्यूची नोंद करण्यात आली आहे.
मिळालेल्या माहितीनुसार, सिंधी कॉलनीतील रहिवासी विजय छाबडिया हा तरुण शुक्रवारी (७ मार्च) रात्री जेवण झाल्यानंतर तो घरीच होता. मध्यरात्री त्याने छताला गळफास घेतला. हा प्रकार लक्षात येताच त्यांनी शेजारील मंडळींच्या मदतीने विजयला शासकीय वैद्यकीय महाविद्यालय व रुग्णालयात दाखल केले. तेथे डॉक्टरांनी मयत घोषित केले. या प्रकरणी एमआयडीसी पोलिस ठाण्यात अकस्मात मृत्यूची नोंद करण्यात आली आहे.
