जळगाव प्रतिनिधी । मोहाडीरोडवर भरधाव ट्रकने दिलेल्या धडकेत दुचाकीच्या मागे असलेल्या सुजय गणेश सोनवणे (वय१३) रा. मोहाडी ता.जि.जळगाव या मुलाचा चिरडून मृत्यू झाल्याची धक्कादायक घटना घडली. ही घटना घटनाच नातेवाईकांनी जिल्हा रूग्णालयात धाव घेवून प्रचंड आक्रोश केला होता.
याबाबत माहिती अशी की, सुजय सोनवणे हा मुलगा आज दुपारी १२ वाजेच्या दरम्यान सेंट टरेसा शाळेतून घरी जात होता. त्यावेळीगावाजवळ असलेल्या उताराजवळ (एमएच २८ बी ७७०३) या क्रमांकाच्या भरधाव ट्रकने त्यांच्या (एमएच १९ डीएम १११) या क्रमांकाच्या दुचाकीला धडक दिली. यात त्याचा जागीच मृत्यू झाला. दरम्यान, या दुर्घटनेची माहिती मिळताच परिसरातील नागरिकांनी घटनास्थळी धाव घेतली. सुजयचा मृतदेह जिल्हा रूग्णालयात आणला असून तेथे आप्तांनी प्रचंड गर्दी केली आहे. जिल्हा परिषद सदस्य प्रतापराव पाटील, शिवसेना जिल्हाप्रमुख विष्णू भंगाळे, जि.प. सदस्य पवन सोनवणे, जळगाव रिपब्लिकन पार्टी ऑफ इंडियाचे महानगर अध्यक्ष अनिल अडकमोल आदींसह इतरांनी जिल्हा रूग्णालयात धाव घेतली आहे.
