जळगाव प्रतिनिधी । अखिल भारतीय आंतरविद्यापीठीय बुध्दीबळ स्पर्धेचे आयोजन जयपूर येथे आयोजन करण्यात आले आहे. या स्पर्धेसाठी कवयित्री बहिणाबाई चौधरी उत्तर महाराष्ट्र विद्यापीठ संघाच्या कर्णधारपदी आकाश धनगर यांची निवड करण्यात आली. निवडीबद्दल जयकीसनवाडी येथील कांताई सभागृह येथे जैन स्पोर्टस ॲकडमीतर्फे अभिनंदन करण्यात आले.
आकाश धनगर हे ३ राष्ट्रीय व ८ वेळा राज्यस्तरीय तसेच सलग पाचवेळेस विद्यपीठ प्रतिनिधित्व करण्याचं मान मिळवला आहे. सलग 3 वर्षे त्यांच्याकडे विद्यापीठ कर्णधार म्हणून जबाबदारी पार पाडत आहे. विद्यापीठ संघात आकाश धनगर सोबत नंदुरबार येथील वैभव बोरसे, ऋषिकेश सोनार, गौरव सोनार, ऋतिक पाटील अमळनेर याचे सहभाग आहे.
महाराष्ट्र बुद्धिबळ संघटनेचे खाजिनदार फारूक शेख यांच्या अध्यक्षते खाली एका छोटे खानी कार्यक्रमात त्यांना गुच्छ व शाल देऊन ग़ौरविन्यात आले या वेळी महाराष्ट्र आर्बिटर कमेटी चे सचिव प्रवीण ठाकरे, ज़िल्लाह बुद्धिबळ संघटनेचे रविन्द्र धर्माधिकारी,अरविंद देशपांडे, फुटबॉल प्रशिक्षक अब्दुल मोहसिन, बास्केटबॉल प्रशिक्षक वाल्मीक पाटिल, ताइक्वांडो प्रशिक्षक अजित घारगे, बैडमिंटन प्रशिक्षक किशोरसिंग,टेबल टेनिस प्रशिक्षक विवेक आळ्वनी,समीर शेख यांची उपस्थिती होती.
