जळगाव : प्रतिनिधी
जळगाव तालुक्यातील वसंतवाडी येथे आज दिनांक २४ जानेवारी रोजी ग्रामससभेचे आयोजन सरपंच यांच्या अध्यक्षतेखाली ग्रामपंचायत कार्यालय वसंतवाडी येथे करण्यात आले. ग्रामसभेचे सुचना पत्र २१ जानेवारी रोजी काढण्यात आले होते या ग्रामसभेसाठी गावातील सर्व शासकीय प्रशासकीय विभागांना सुचना पत्र दिलेलं होते यात ग्रामपंचायत कार्यकारी मंडळ तसेच रेशन दुकानदार,म्हसावद पोलीस चौकी, पोलीस पाटील, कृषी सहाय्यक, पशुसंवर्धन उपकेंद्र जळके,आरोग्य उपकेंद्र जळके,आशा सेविका, अंगणवाडी सेविका, प्राथमिक शाळा,व वनविभाग यांचा समावेश होतो .
या सभेला ग्रामपंचायत कार्यकारी मंडळ सर्व शासकीय प्रशासकीय विभाग कर्मचारी व ग्रामस्थ यांच्यासह केवळ ४५ जणांची उपस्थित असल्याने सदर सभा कोरम पुर्ण न झाल्याने तहकूब करण्यात आली . या सभेला ग्रामसभेचे सुचना पत्र देऊन ही काहींनी ग्रामसभेकडे पाठ फिरवली यात पोलिस , कृषी, पशुसंवर्धन,रेशन दुकानदार व वनविभाग यांचा समावेश आहे. सदर कोरम पुर्ण न झाल्याने तहकूब झालेली सभा दिनांक २८ /०१/२०२५ रोजी ग्रामपंचायत कार्यालय वसंतवाडी येथे १० वाजता घेण्यात येणार असल्याचे माहिती मिळाली.
