जळगाव : प्रतिनिधी
रात्री पायी फिरत असताना भरधाव दुचाकीने धडक दिल्यामुळे गजानन विश्वनाथ शेवाळे (५१, रा. न्यू लक्ष्मीनगर) हे जखमी झाले. ही घटना २१ जानेवारी रोजी रात्री संभाजीनगर रिक्षा थांब्याजवळ घडली. याप्रकरणी २३ रोजी रामानंदनगर पोलिस ठाण्यात दुचाकी चालकाविरुद्ध गुन्हा दाखल आहे.
गजानन शेवाळे हे पायी फिरत असताना भरधाव दुचाकीने (क्र. एमएच १९-ईबी ९६११) त्यांना धडक दिली. यात शेवाळे हे गंभीर जखमी झाले. उपचार घेतल्यानंतर त्यांनी २३ रोजी रामानंदनगर पोलिस ठाण्यात फिर्याद दिली. त्यावरून दुचाकी चालकाविरुद्ध गुन्हा दाखल करण्यात आला आहे.
