रावेर : प्रतिनिधी
निरुळ येथील अशोक देवीदास खैरे हा आजे सासऱ्यांचा दशक्रिया विधी आटोपून रावेरहून निरुळला जात असताना त्याला समोरून आलेल्या दुचाकीने जोरदार धडक दिली. त्यात अशोक याचा मृत्यू झाला. ही घटना १८ जानेवारी रोजी दुपारी १ वाजता घडली.
मिळालेल्या माहितीनुसार, दशक्रिया विधीचा कार्यक्रम आटोपून रावेरकडून निरूळला दुचाकी क्रमांक एमएच १९- ईआय ४८१९ ने घरी परत येत असताना समोरून आलेल्या दुचाकी क्रमांक एमपी ६८ – एम ४२५६ वरील चालक आरोपी सोपान गजानन भोई (वय ४५) याने धडक दिली. त्यात अशोक देवीदास खैरे (वय ३३) हा गंभीर जखमी झाला. त्याला भुसावळ येथे रुग्णालयात नेत असताना वाटेतच त्याचा मृत्यू झाला. या प्रकरणी रावेर पोलिसात मध्य प्रदेशातील मोटारसायकल चालकाविरुद्ध गुन्हा दाखल करण्यात आला आहे.
