पाचोरा प्रतिनिधी । धरणगाव शहरातील एका ६ वर्षीय अल्पवयीन मुलीवर अत्याचार केल्याची र्दैवी घटना घडली आहे. या घटनेच्या निषेधार्थ पाचोरा तेली समाज बांधवांतर्फे निषेध व्यक्त करत प्रशासनाला निवेदन देण्यात आले आहे.
धरणगाव शहरातील एका ६ वर्षीय अल्पवयीन मुलीवर अत्याचार केल्याची र्दैवी घटना घडली आहे. या निंदनीय घटनेच्या निषेधार्थ व आरोपीस तात्काळ कठोरात कठोर शासन व्हावे. या रास्त मागणीसाठी पाचोरा शहर तेली समाज मंडळ तथा पाचोरा तालुका तैलिक समाज महासभा यांच्यातर्फे आज दि. २३ फेब्रुवारी रोजी पाचोरा पोलिस स्टेशन, उपविभागीय अधिकारी कार्यालय व तहसिल कार्यालयात निवेदन देण्यात आले. निवेदन देतेवेळी पाचोरा तेली समाज तालुका अध्यक्ष नारायण चौधरी, उपाध्यक्ष उत्तम चौधरी, सचिव शांताराम चौधरी, सहसचिव शरद चौधरी, विश्वस्त सतिष चौधरी, ज्ञानेश्वर चौधरी, प्रकाश चौधरी, बापु चौधरी, मोतीलाल चौधरी, संजय चौधरी सह मोठ्या संख्येने पदाधिकारी व सदस्य उपस्थित होते.
