जळगाव : प्रतिनिधी
कालंका माता चौक व अजिंठा चौकातील अतिक्रमण हटविल्यानंतर महापालिकेने शुक्रवारी इच्छा देवी चौक, आकाशवाणी चौक, राष्ट्रवादी काँग्रेस पक्ष कार्यालय, लाडवंजारी मंगल कार्यालय या मार्गावरील अतिक्रमण हटविले. अतिक्रमणात व्यवसाय करणाऱ्यांच्या हातगाड्या उचलून ट्रॅक्टरमध्ये टाकून महापालिकेत नेण्यात आल्या. शहरातील मुख्य चौक व रस्त्यावर अतिक्रमण दिसायलाच नको म्हणून आयुक्तांनी कडक मोहीम राबविण्याच्या सूचना दिल्या आहेत.
गुरुवारी अतिक्रमण हटविलेल्या कालंका माता चौकात शुक्रवारी शुकशुकाट होता तर अजिंठा चौकात किरकोळ हातगाड्या लागलेल्या होत्या, मात्र या चौकात अवैध वाहतूक करणाऱ्या वाहनांची संख्या मोठी दिसून आली. अतिक्रमण निर्मूलन विभागाचे अधीक्षक संजय ठाकूर व सहकाऱ्यांचे पथक शुक्रवारी सकाळीच इच्छा देवी चौकात धडकले. पोलिस चौकीच्या दिशेने एका बाजुने अतिक्रमणात असलेल्या हातगाड्या हटविण्यात आल्या
