भडगाव : प्रतिनिधी
तालुक्यातील महिंदळे येथे समाज मन हेलावून टाकणारी घटना १६ नोव्हेंबर रोजी रात्री घडली. त्यात ६५ वर्षीय वृद्ध महिलेवर २७ वर्षीय नराधमाने अत्याचार करून जिवे मारण्याचा प्रयत्न केला. परंतु वृद्धा यातून बचावली व आजपर्यंत जिल्हा रुग्णालयात मृत्यूशी झुंज देत होती. परंतु १९ डिसेंबर रोजी तिची मृत्यूशी झुंज संपली.
मिळालेल्या माहितीनुसार, तालुक्यातील एका गावात नवऱ्याने सोडून दिल्याने ती लग्न झाल्यापासून एकटीच राहत होती वयाची ६५ वर्ष गावात आपला एकटाच उदरनिर्वाह चालवत होती. गावातील राहुल भीमराव सावकारे याने रात्री वृद्ध महिलेवर अत्याचार करून जीवे मारण्याचा प्रयत्न केला. परंत यातन वदा बचावली गेल्या एक महिन्यापासून जळगाव येथील जिल्हा रुग्णालयात उपचार घेत होती. परंतु एक महिन्याची मृत्यूशी झुंज अपयशी ठरली व १९ रोजी सकाळी १० वाजता तिचा मृत्यू झाला. भडगावचे पोलीस निरीक्षक पांडुरंग पवार यांनी तपासाचे चक्र फिरवून आरोपीस दोन तासातच जेरबंद केले. वूद्धेच्या मृत्यूची बातमी गावात धडकताच गावात तणाव पसरला होता. अनुचित प्रकार घडू नये, यासाठी भडगाव पोलिसांचा तगडा बंदोबस्त लावण्यात आला आहे. अधिक तपास सरु आहे
