जळगाव : प्रतिनिधी
एका २२ वर्षीय तरुणीचा तिच्या नकळत आक्षेपार्ह व्हिडीओ तयार करून तो व्हायरल करण्याची धमकी देत तरुणाने तिच्यावर वेळोवेळी अत्याचार केला. हा प्रकार १ जानेवारी ते १३ फेब्रुवारी दरम्यान घडला. याप्रकरणी तरुणीने १६ डिसेंबर रोजी एमआयडीसी पोलिस ठाण्यात फिर्याद दिली. त्यावरून राहुल योगराज पाटील (२६, रा. अयोध्यानगर) याच्याविरुद्ध गुन्हा दाखल करण्यात येऊन त्याला अटक करण्यात आली आहे.
मिळालेल्या माहितीनुसार, एमआयडीसी पोलिस ठाण्याच्या हद्दीतील एका परिसरात २२ वर्षीय तरुणी कुटुंबासह राहते. राहुल पाटील याने तिच्या नकळत तिचा आक्षेपार्ह व्हिडीओ काढला. त्यानंतर त्याने तो व्हिडीओ व्हायरल करण्याची धमकी देऊन तिच्यावर वेळोवेळी अत्याचार केला. अत्याचार असह्य झाल्याने तिने १६ डिसेंबर रोजी एमआयडीसी पोलिस ठाण्यात फिर्याद दिली. त्यावरून राहुल पाटील याच्याविरुद्ध एमआयडीसी पोलिस ठाण्यात गुन्हा दाखल करण्यात आला आहे
