अमळनेर : प्रतिनिधी
तालुक्यातील निम येथे अंगणात लावलेल्या दोन दुचाकी रात्रीतून चोरीला गेल्याची तक्रार मारवड पोलिसात नोंदवण्यात आली आहे.
मिळालेल्या माहितीनुसार, निम येथील मयूर चंपालाल पाटील यांची ३५ हजार किमतीची दुचाकी (एमएच१९/डीडी ८७४१) ही १३ रोजी रात्री ९:३० वाजता अंगणात लावली होती. मात्र, सकाळी ८ वाजता पाहिले असता दुचाकी दिसून आली नाही. परिसरात शोध घेतला असता गावातील सुशीलकुमार सुधाकर पाटील यांची २५ हजार किमतीची विना क्रमांकाची दुचाकीही चोरीला गेल्याचे दिसून आले. मयूर पाटील याने मारवड पोलिसांत अज्ञात चोरट्याविरुद्ध गुन्ह्याची नोंद करण्यात आली असून तपास हेकॉ सचिन निकम हे करीत आहेत. गेल्या काही दिवसात परिसरात दुचाकी चोऱ्यांचे प्रमाण वाढल्याने दुचाकीधारक चिंताक्रांत झाले आहेत
