जळगाव : प्रतिनिधी
दिलेल्या पैशांच्या पाच ते सहा पट रक्कम वाढवून परत देण्याचे आमिष दाखवत पुतणीचा पती व त्याच्या भावाने पिंप्राळा येथील व्यापाऱ्याची ४८ लाख ५६ हजार रुपयांमध्ये फसवणूक केली. पैसे मागितल्यावर त्यांना जीवे ठार मारण्याची धमकी दिली. याप्रकरणी बुधवारी (११ नोव्हेंबर) रामानंदनगर पोलिस ठाण्यात दोन जणांविरुद्ध गुन्हा दाखल करण्यात आला आहे.
मिळालेल्या माहितीनुसार, गोपाल प्रभुलाल राठी (६३, रा. पिंप्राळा) यांची एमआयडीसीमध्ये कंपनी होती. त्यांनी ती सन २०१८-१९ मध्ये विकली होती. त्यासाठी त्यांना ८८ लाख रुपये मिळाले होते. गोपाल राठी यांच्याकडे पैसे असल्याची माहिती पुतणीचे पती विजय जगदीश मंडोरे आणि त्यांचा भाऊ लक्ष्मीनारायण मंडोरे यांच्याकडे होती. मंडोरे यांनी सन २०१६ मध्ये सव्वा दोन लाख रुपये उसनवारीने घेतले होते. ते त्यांनी सहा महिन्यांनी परत केले.
त्यानंतर फेब्रुवारी २०१८ मध्ये पुन्हा घर घेण्यासाठी त्यांनी २ लाख रुपये गोपाल राठी यांच्याकडन घेतले परंत ते परत दिले नाहीत. नंतर पुतणी वर्षा मंडोरे आणि जावई विजय मंडोरे यांनी राठी यांना सांगितले की, तुम्ही आम्हाला पैसे दिले तर त्याच्या ५ ते ६ पट रक्कम परत देऊ. यावर गोपाल राठी यांचा विश्वास बसला नाही. जास्त दबाव टाकल्याने त्यांनी थोडा वेळ मागून घेतला. विश्वास ठेवून राठी यांनी वेळोवेळी त्यांना ऑनलाईन, आरटीजीएस आणि चेक स्वरूपात तब्बल ४८ लाख ५६ हजार रुपये दिले
