पारोळा : प्रतिनिधी
बाभळेनाग येथून पारोळ्याकडे येणाऱ्या दुचाकीला कारने धडक दिली. या अपघातात कमलबाई नारायण माळी (७५, रा.. बाभळेनाग, ता. पारोळा) यांचे निधन झाले. ही घटना दि. ११ रोजी दुपारी २:३० वाजेच्या सुमारास घडली.
मिळालेल्या माहितीनुसार, बाभळेनाग येथील पृथ्वीराज धनराज माळी हा आजी कमलबाई यांच्यासोबत एमएच १९-डीके ८४०२ क्रमांकाच्या वाहनाने पारोळा येथे येत होता. त्यावेळी हिरापूर फाट्याजवळ एमएच ०२-बीटी ८३९२ क्रमांकाच्या वाहनाने त्याला जोरदार धडक दिली. त्यात पृथ्वीराज हा गंभीर जखमी झाला. तर कमलबाई यांचा मृत्यू झाला. याबाबत कार चालकाविरोधात पारोळा पोलिस स्टेशन येथे गुन्हा दाखल करण्यात आला आहे.
