बोदवड : प्रतिनिधी
दुचाकीला अज्ञात वाहनाची धडक बसल्याने चार वर्षाच्या बालकासह ३० वर्षीय तरुण गंभीर जखमी झाला. हा अपघात मंगळवारी रात्री साडेसात वाजेच्या सुमारास शेलवड घाटी फाट्याजवळ झाला.
मिळालेल्या माहितीनुसार, बोदवड पासून आठ किमी अंतरावर शेलवड घाटी फाट्याजवळ विना क्रमांकाच्या दुचाकीला अज्ञात वाहनांची धडक बसली. या अपघातात दुचाकीने जामनेरकडे जात असलेला तीस वर्षीय तरुण व त्याच्या सोबत असलेला चार वर्षीय बालक गंभीर जखमी झाले. काही वेळ ते जागेवरच पडून होते. काही वेळाने त्या रस्त्याने जाणाऱ्या काही वाहनधारकांनी त्यांना बोदवड येथील ग्रामीण रुग्णालयात आणले असता दोघांना जळगाव येथील रुग्णालयात हलविण्यात आले. दोघांची ओळख उशिरापर्यंत पटली नव्हती. परंतु ते दोन्ही जामनेर तालुक्यातील शहापूर येथील असल्याची माहिती सोशल मीडियावर आली.
