लाईव्ह महाराष्ट्र न्यूज । धरणगाव तालुका सार्वजनिक शिवजयंती उत्सव समितीचे बैठक इंदिरा गांधी कन्या विद्यालयात नुकतीच संपन्न झाली.
दरवर्षीप्रमाणे १९ फेब्रुवारी रोजी छत्रपती शिवाजी महाराज जयंती साजरी करावयाची असून त्या संदर्भात नियोजनासाठी बैठकीचे आयोजन करण्यात आले होते. बैठकीचा अध्यक्षस्थानी सकल मराठा समाजाचे जिल्हाध्यक्ष पी.एम. पाटील होते तर प्रमुख अतिथी म्हणून राष्ट्रवादीचे नेते ज्ञानेश्वर महाजन, भाजपाचे नेते संजय महाजन, ॲड. वसंतराव भोलाणे, राष्ट्रवादी जिल्हा उपाध्यक्ष दिपक वाघमारे, काँग्रेसचे तालुका युवा प्रमुख चंदन पाटील उपस्थित होते.
याप्रसंगी मार्गदर्शन करतांना पी.एम पाटील यांनी सांगितले. शासनाच्या नियमानुसार व कोरोनाचे काटेकोर पालन करून आपल्याला शिवजयंती मोठ्या उत्साहाने साजरी करायची असून सर्वांनी शांततेने उत्सव समिती पार पाडावी. ज्ञानेश्वर महाजन, ॲड. वसंतराव भोलाणे, दिपक वाघमारे यांनी सुद्धा आपली मनोगते व्यक्त केली.
याप्रसंगी दिपक जाधव, बंटी पवार, छोटु जाधव, वाल्मीक पाटील, अमित शिंदे, सुधर्मा पाटील, हेमंत चौधरी, नंदु पाटील, गोपाल पाटील, गौरव चव्हाण, रवि तावडे, प्रथम सूर्यवंशी, समाधान पाटील, रविंद्र जाधव, बापू जाधव, किरण पाटील, अमित पाटील यांच्यासह आदी उपस्थित होते. प्रस्तावित चंदन पाटील यांनी केले, सूत्रसंचालन प्रा. मंगेश पाटील यांनी केले. तर आभार प्रदर्शन योगेश पी.पाटील यांनी मानले.
