यावल : प्रतिनिधी
शहरातील भुसावळ रस्त्यालगत असलेल्या आयेशा नगरात घरफोडीची घटना घडली. घराचे कुलूप तोडून अज्ञात चोरट्याने घरात प्रवेश करीत कपाटातील सोने व चांदीचे दागिने, रोख रक्कम असा १ लाख ९ हजारांचा मुद्देमाल लांबवला. हा प्रकार गुरुवारी रात्री निर्दशनास आला. याप्रकरणी शुक्रवारी यावल पोलिसांत गुन्हा दाखल करण्यात आला आहे.
मिळालेल्या माहितीनुसार, आयेशा नगरात सैय्यद साबीर सैय्यद मरू हे केळी व्यापारी राहतात. ते सहकुटुंब गुजरात राज्यातील सुरत येथे लग्न समारंभास गेले होते. दरम्यान, गुरुवारी रात्री त्यांच्या शेजाऱ्यांना त्यांच्या घराचा दरवाजा उघडा दिसला. त्यांनी आत जाऊन पाहिले असता घरातील कपाट फोडलेले दिसले. तेव्हा तातडीने पोलिसांना माहिती देण्यात आली. घटनास्थळी हवालदार सांगळे, मोहन तायडे दाखल झाले. याबाबत सैय्यद साबीर यांना माहिती देण्यात आली. अज्ञात चोरट्याने त्यांच्या घरातील कपाटातून १ लाख २ हजारांची रोकड, ५ हजार रुपये किमतीची चांदीची पट्टी व २ हजार रुपये किमतीची सोन्याची फुली असा एकूण १ लाख ९ हजारांचा मुद्देमाल चोरीस गेला. याप्रकरणी यावल पोलिसांत घरफोडीचा गुन्हा दाखल करण्यात आला आहे. पुढील तपास पोलिस निरीक्षक प्रदीप ठाकुर यांच्या मार्गदर्शनाखाली हवालदार राजेंद्र पवार करीत आहेत.
दरम्यान, शहर व परिसरात गेल्या काही दिवसांपासन चोरीच्या घटना बाढतच आहेत, यामुळे नागरिक चिंताग्रस्त झाले आहेत. बंदोबस्ताची मागणी होत आहे
