एरंडोल प्रतिनिधी । एरंडोल शहरापासून हाकेच्या अंतरावरील राष्ट्रीय महामार्गावर कार आणि कंटेनर यांच्या झालेल्या भीषण अपघातात कारचालकासह एक महिला जागीच ठार झाले आहे. तर पाच जण गंभीर जखमी झाल्याची घटना शनिवारी १२ रोजी सायंकाळी वाजेच्या सुमारास घडली.
याबाबत माहिती अशी की, एरंडोल शहर पासून जवळ असलेल्या हॉटेल कृष्णा जवळ कार (एमएच १९ सीव्ही ७७१७) आणि कंटेनर (एमएच ४६ बीबी ८५३२) यांच्यात झालेल्या भीषण अपघातात कार चालक प्रकाशचंद राजमलजी बागरेचा रा. दुर्वाकुर पार्क, वाघुळदे नगर जळगाव यांच्यासह एक महिला कमलबाई जैन (नाव माहित नाही) जागीच ठार झाले आहे. तर पाच जण गंभीर जखमी झाल्याची घटना शनिवार १२ फेब्रुवारी रोजी सायंकाळी ५ वाजेच्या सुमारास घडली. जखमींपैकी दोन जणांची प्रकृती गंभीर असल्याने त्यांना जळगाव येथे हलविण्यात आले आहे. तर इतर तिन जखमींना एरंडोल ग्रामीण रूग्णालयात उपचारार्थ दाखल करण्यात आले आहे.
