जळगाव प्रतिनिधी । शहरातील गेंदालाल मिल परिसरात राहणाऱ्या एका ४० वर्षीय व्यक्तीने मध्यरात्री राहत्या घरात गळफास घेऊन आत्महत्या केल्याचे सकाळी समोर आले आहे. शहर पोलिस ठाण्यात अकस्मात मृत्यूची नोंद करण्यात आली आहे.
यााबाबत माहिती अशी की, सुनिल नारायण सोनवणे (वय ४०) रा. गेंदालाल मील परिसर जळगाव हे पेंटरचे काम करून उदरनिर्वाह करतात. घरी आई व मुलगा यांच्यासह वास्तव्याला आहे. सोमवारी रात्री जेवण करून एफएमवर गाणे ऐकत असतांना झोपले. मध्यरात्री त्यांनी घरात सर्वजण झोपलेले असतां गळफास घेवून आत्महत्या केली. मंगळवारी सकाळी त्यांचा मुलगा मोहित हा शाळेत जाण्यासाठी उठला असता हा प्रकार लक्षात आला. सोनवणे यांनी आत्महत्या का केली याचे कारण स्पष्ट झालेले नाही.शेजारी राहणाऱ्या नागरीकांनी यांना शासकीय वैद्यकीय महाविद्यालय व रुग्णालयात दाखल केले. वैद्यकीय अधिकारी डॉ. प्राची सुरतवाला यांनी तपासणी करुन मृत घोषित केले. या प्रकरणी शहर पोलिस ठाण्यात अकस्मात मृत्यूची नोंद करण्यात आली आहे. पुढील तपास पोलीस नाईक ललित भदाणे तपास करीत आहेत.
