अमळनेर प्रतिनिधी । तालुक्यातील कलाली येथील शेतकऱ्याच्या शेतातील उभ्या उसाच्या पिकाला अचानक आग लागल्याने सुमारे १ लाख ८० हजार रूपयांचे नुकसान झाल्याचे प्रकार उघडकीला आला आहे. याबाबत अद्याप पोलीसात नोंद करण्यात आलेली नाही.
याबाबत माहिती अशी की, प्रकाश धनसिंग पाटील रा. कलाली ता. अमळनेर यांचे कलाली शिवारातील शेत गट नंबर ६९/२/अ मध्ये शेत आहे. त्यांनी १ हेक्टर ८२ आर मध्ये ऊसाची लागवड केली होती. दरम्यान शनिवार ५ फेब्रुवारी रोजी दुपारी शेतातील ऊसाला अचानक आग लागल्याने ऊसचे पीक आणि ठिंबक सिंचन नळ्या जळून खाक झाले आहे. यात आगीत सुमारे १ लाख ८० हजार रूपयांचे नुकसान झाल्याचे प्राथमिक अंदाज व्यक्त केला जात आहे. याप्रकरणी अद्याप पोलीसात नोंद करण्यात आलेली नाही.
