चोपडा : प्रतिनिधी
चोपडा मतदारसंघात उद्धव सेनेला दोनच दिवसांत उमेदवार बदलण्याची वेळ आली असून, आधी घोषित राजू तडवी यांच्याऐवजी जि. प. चे माजी सभापती प्रभाकर सोनवणे यांना उद्धव सेनेकडून सोमवारी एबी फॉर्म देण्यात आला आहे.
महाविकास आघाडीत उद्धव सेनेने चोपड्याच्या जागेसाठी शेवटपर्यंत आग्रह धरला होता. त्यात शुक्रवारी पक्षाकडून राजू तडवी हे उमेदवार जाहीर करण्यात आले होते. त्यानंतर वाद शमविण्यासाठी उद्धव सेनेकडून राजू तडवी यांना पक्षाकडून देण्यात आलेला एबी फॉर्म परत मागविण्यात आला आणि सोमवारी अखेर उद्धव सेनेने प्रभाकर सोनवणे यांना एबी फॉर्म दिला. त्यामुळे उद्धव सेनेकडून प्रभाकर सोनवणे हेच उमेदवार राहणार असल्याचे निश्चित झाले असून त्यांची लढत शिंदेसेनेचे प्रा. चंद्रकांत सोनवणे यांच्याशी होणार आहे.
