जळगाव प्रतिनिधी । तालुक्यातील रामदेववाडी गावाजवळ बंद पडलेल्या कंटेनरमधून अज्ञात चोरट्यांनी ट्रकसाठी लागणारे टायर, ट्यूब व इतर साहित्य असा एकुण ३ लाख ३६ हजार रूपये किंमतीचा मुद्देमाल चोरट्यांनी चोरून नेल्याचे उघडकीला आले आहे. एमआयडीसी पोलीस ठाण्यात अज्ञात चोरट्यांविरोधात गुन्हा केला आहे.
सविस्तर माहिती अशी की, रामदास साहेबराव खैरनार (वय-४५) रा. खुपचंद साहित्या नगर, मोहाडी रोड जळगाव हे आपल्या कुटुंबियांसह वास्तव्याला आहे. ते कंटेनचे चालक असून वाहन चालवून आपल्या कुटुंबियाचा उदरनिर्वाह करतात. ४ फेब्रुवारी रोजी रात्री १० वाजता कंटनेर घेवून जळगाव कडे येत असतांना तालुक्यातील रामदेववाडी येथील रस्त्यावर त्यांचा कंटेनर बंद पडला. कंटेनमध्ये बिजस्टोन कंपनीचे ट्रकचे ट्यूब, टायर आणि फ्लॅप असा सामान होतो. त्यामुळे चालक रामदास खैरनार हे कंटेनरमध्ये झोपलेले होते. मध्यरात्री अज्ञात चोरट्यांनी कंटेनरचे दरवाजाचे सील तोडून मध्ये ठेवलेला ३ लाख ३६ हजार रूपये किंमतीचा मुद्देमाल चोरून नेल्याचे शनिवारी ५ फेब्रुवारी रोजी सकाळी ४ वाजता उघडकीला आले. सायंकाळी ७ वाजता कंटेनर चालक रामदास खैरनार यांच्या तक्रारीवरून एमआयडीसी पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे. पुढील तपास पोहेकॉ सचिन मुंढे करीत आहे.
