जळगाव प्रतिनिधी । तालुक्यातील शिरसोली येथील गणेश भास्कर आगे (वय-२०) हा तरूण गेल्या तीन दिवसांपासून बेपत्ता झाला आहे. याप्रकरणी शुक्रवार ४ फेब्रुवारी रोजी दुपारी एमआयडीसी पोलीस ठाण्यात बेपत्ता झाल्याची नोंद करण्यात आली आहे.
याबाबत माहिती अशी की, जळगाव तालुक्यातील शिरसोली येथील रहिवाशी गणेश आगे हा तरुण आपल्या कुटुंबियांसह वास्तव्याला आहे. वडील भास्कर रामकृष्ण आगे हे शेती काम करून उदरनिर्वाह करतात. तर गणेश हा जळगाव येथील नूतन मराठा महाविद्यालयात बीएचे शिक्षण घेत आहे. दरम्यान बुधवार २ फेब्रुवारी रोजी दुपारी घरात कोणाला काहीही न सांगता बेपत्ता झाला आहे. नातेवाईकांनी त्याचा गावात, मित्रमंडळी व नातेवाईक यांच्याकडे चौकशी केली असता कुठेही मिळून आलेला नाही. यासंदर्भात भास्कर हागे यांनी शुक्रवार ४ फेब्रुवारी रोजी दुपारी धाव घेतली. त्यांच्या खबरी एमआयडीसी पोलिस ठाण्यात हरविल्याची नोंद करण्यात आली आहे. पुढील तपास पोलीस नाईक समाधान काकडे करीत आहेत.
