अमळनेर प्रतिनिधी । भर रस्त्यावर नागरीकांना आडवून बेदम मारहाण करून बळजबरीने लुटमार करणारा आणि स्वत:ला दाऊद समजणाऱ्या सराईत गुन्हेगाराला अमळनेर पोलीसांनी सापळा रचून अटक केली. एवढेच नाही तर त्याची हातात बेड्या ठोकून गावातून धिंड काढण्यात आली.
गुन्हेगारांची दहशत संपविण्यासाठी जळगाव जिल्हा पोलिसांनी कठोर पावले उचलले असल्याने गुन्हेगारांमध्ये खळबळ उडाली आहे.
शुभम उफ शिवम उर्फ दाऊ मनोज देशमुख हा स्वत:ला दाऊद समजतो. अमळनेर शहरातील व्यापाऱ्यांकडून व नागरीकांकडून बळजबरीने पैसे घेवून जनतेच्या मनात दहशतीचे वातावरण पसरवत असल्याने त्याच्यासह त्याच्या साथीदाराची दहशत संपविण्यासाठी अमळनेर चौक ते छत्रपती शाहू महाराज चौक दरम्यान पायी धिंड काढण्यात आली. नागरीकांमधील दहशत कमी व्हावी यासाठी त्यांची गावातून धिंड काढण्यात आली आहे.
