जळगाव प्रतिनिधी । जळगाव जिल्हा राष्ट्रवादी काँग्रेस पार्टीच्या वतीने सभासद मोहिम अभियान राबविण्यात येत आहे. त्यामुळे प्रत्येक पदाधिकारी यांनी किमान १०० हून अधिक सभासद नोंद करावी असे आवाहन सामाजिक न्याय आघाडीचे जिल्हाध्यक्ष अरविंद मानकरी यांनी केले आहे.
राष्ट्रवादी काँग्रेस पक्षाचे प्रदेशाध्यक्ष जयंतराव पाटील, सामाजिक न्याय विभागाचे प्रदेशाध्यक्ष ॲड. जयदेव गायकवाड यांच्या आदेशान्वये सभासद नोंदणी अभियान राबविण्यात येत आहे. त्यामुळे जळगाव जिल्ह्यातील पदाधिकारी व कार्यकर्ते यांनी प्रत्येक १०० सभासन नोंदणी करण्याचे आवाहन करण्यात येत आहे. सभासद नोंदणीसाठी घरापर्यंत पोहचा असे आवाहन सामाजिक न्याय आघाडीचे जिल्हाध्यक्ष अरविंद मानकरी यांनी केले आहे.
