जळगाव : प्रतिनिधी
हद्दपारीचे आदेश असताना तलवार घेवून फिरणारा अंकुश मधुकर सुरवाडे (वय १९, रा. गेंदालाल मिल) या संशयिताला शहर पोलिसांनी अटक कली. त्याच्याकडून तलवार जप्त करण्यात आला असून त्याच्याविरुद्ध गुन्हा दाखल करण्यात आला आहे.
मिळालेल्या माहितीनुसार, शहरातील गेंदालाल मिल परिसरात राहणारा अंकुश सुरवाडे याला जिल्हाधिकारी यांनी हद्दपारचे आदेश काढलेले आहेत. असे असताना देखील तो शहरातून लोखंडी तलवार घेऊन परिसरात दहशत माजवीत असल्याची माहिती शहर पोलीस ठाण्याचे प्रभारी पोलिस निरीक्षक रंगनाथ धारबळे यांना मिळाली.
त्यानुसार त्यांनी पथकाला कारवाई करण्याच्या सूचना दिल्या. त्यानुसार शुक्रवारी कारवाई करत अट्टल गुन्हेगार अंकुश मधुकर सुरवाडे याला पोलिसांनी अटक केली. त्याच्याकडून लोखंडी तलवार हस्तगत केली. याप्रकरणी पोलीस कॉन्स्टेबल राहुल पांचाळ यांनी दिलेल्या फिर्यादीवरून शहर पोलीस ठाण्यात गुन्हा दाखल करण्यात आला. पुढील तपास पोलीस कॉन्स्टेबल किशोर निकुंभ हे करीत आहे.
