लाईव्ह महाराष्ट्र : जळगाव
भारतीय जनता पार्टीची पहिली उमेदवारी यादी लवकरच जाहीर होणार असून यात जळगाव शहर विधानसभा मतदारसंघातील भाजपाचे आमदार राजूमामा भोळे यांची उमेदवारी निश्चित झाली असून हॅट्रिककडे वाटचालसाठी आमदार भोळे यांना भाजप नेत्यांनी शुभेच्छा दिल्या असल्याचे विश्वसनीय सूत्रांकडून समजते. भाजपाची उमेदवार यादी उद्या सायंकाळपर्यंत होण्याची शक्यता व्यक्त केली जात आहे.
जळगाव शहर विधानसभा मतदारसंघात भाजपाकडून अनेक जण इच्छुक आहेत परंतु आमदार राजू मामा भोळे यांचा जनसंपर्क आणि विकास कामे यामुळे भाजप नेत्यांनी पहिल्या उमेदवारी यादीमध्ये त्यांच्या नावाचा समावेश केला आहे. पक्षांतर्गत उमेदवारांची नावे देखील सर्वे मध्ये आले नाही त्यामुळे मामा यांच्या नावावर शिक्कामोर्तब झाला असल्याचे विश्वसनीय सूत्रांनी लाईव्ह महाराष्ट्र न्युजशी बोलताना सांगितले.
