जळगाव (प्रतिनिधी) : येथील कानळदा रोडवरील रहिवासी तथा धनाजी नाना चौधरी संस्थेच्या समाजकार्य महाविद्यालयाचा विद्यार्थी जितेंद्र बाबूलाल धनगर हा समाजकार्य या विषयामध्ये सेट परीक्षा उत्तीर्ण झाला आहे. या बद्दल त्याचे अभिनंदन केले जात आहे.
जितेंद्र धनगर हा मूळ चोपडा तालुक्यातील मंगरूळ येथील रहिवासी आहे. पहिल्याच प्रयत्नात तो सेट परीक्षा उत्तीर्ण झाला आहे समाजकार्य महाविद्यालयातील शिक्षक वृंदासह महाराष्ट्र अंधश्रद्धा निर्मूलन समितीचे जिल्हा कार्याध्यक्ष प्रा. डी. एस.कट्यारे, शिक्षक बी.यु. जाधव, प्रशांत गुरव यांचे मार्गदर्शन लाभले. तर आई-वडील, पत्नी, इंद्रजीत धनगर, चेतन चौधरी यांचे सहकार्य लाभले.
त्याच्या यशाबद्दल समाजकार्य महाविद्यालयाचे प्राचार्य डॉ. राकेश चौधरी, महाराष्ट्र अंनिसचे राज्य पदाधिकारी डॉ. प्रदीप जोशी, डॉ. अनिल पाटील, डॉ. अजय शास्त्री, शहराध्यक्ष दिलीप भारंबे, जिल्हा समन्वयक विश्वजीत चौधरी, चोपडा येथील सामाजिक कार्यकर्ते डॉ. अय्युब पिंजारी आदींनी अभिनंदन केले आहे.
