भुसावळ : प्रतिनिधी
जळगावातील रहिवासी महिलेने भुसावळ येथे तापी पुलावरून नदीत उडी घेत आत्महत्या केल्याची घटना सोमवारी सायंकाळी ५:३० वाजता घडली. बबली अरुण ढंढोरे (वय ५०, रा. शनीपेठ, जळगाव), असे मयत महिलेचे नाव आहे. याप्रकरणी भुसावळ शहर पोलिस ठाण्यात अकस्मात मृत्यूची नोंद करण्यात आली.
मिळालेल्या माहितीनुसार, बबली ढंढोरे यांनी पुलावर पोहोचल्यानंतर नातेवाइकांशी संपर्क केला आणि काही क्षणातच तापी पात्रात उडी घेतली. ही घटना कळतात नागरिकांनी गर्दी केली होती. शहर पोलिस ठाण्याचे उद्धव डमाळे यांनी घटनास्थळी धाव घेतली. मयत ढंढोरे यांचे जावई आकाश राजेश टाक यांनी याप्रकरणी पोलिसांत माहिती दिल्यानंतर गुन्ह्याची नोंद करण्यात आली. तपास शहर पोलिस हवालदार दीपक पाटील यांनी करत आहेत.
