पाचोरा प्रतिनिधी । शहरातील पुनगाव रोडवर दुचाकीचा कट लागल्याने २३ वर्षीय तरूणाचा चाकू भोसकून खून झाल्याची घटना उघडकीला आली आहे. याप्रकरणात पाचोरा पोलीसांनी पाच जणांना अटक केली आहे. याप्रकरणी पाचोरा पोलीसात गुन्हा दाखल केला आहे.
शहरातील पुनगाव रोड रस्त्यावरील बुऱ्हानी इंग्लिश मेडियम स्कूलच्या आवारात रविवारी ३० जानेवारी रोजी सायंकाळी ७ वाजेच्या सुमारास दुचाकी कट लागल्याने भूषण नाना शेवरे (वय – २३) रा. दुर्गा नगर, पाचोरा या तरूणावर लोकेश उर्फ विकी शामराव शिंदे, मयूर दिलीप पाटील, राकेश उर्फ सचिन राजेंद्र चौधरी, राहूल उर्फ मॉडी पाटील, चेतन उर्फ स्टायलेश पाटील, सागर प्रकाश पाटील, अविनाश उर्फ भद्रा सुरेश पाटील आणि पवन पाटील (पूर्ण नाव माहित नाही) या संशयित आरोपी चाकूने वार करून खून केला. जखमी अवस्थेत तरूणाला जळगाव रूग्णालयात दाखल केले असता असता उपचारादरम्यान मृत्यू झाला.
पाचोरा पोलीसांनी तपासाची चक्र फिरवत संशयित आरोपी लोकेश उर्फ विकी शामराव शिंदे, मयूर दिलीप पाटील, राकेश उर्फ सचिन राजेंद्र चौधरी, राहूल उर्फ मॉडी पाटील, चेतन उर्फ स्टायलेश पाटील, सागर प्रकाश पाटील, अविनाश उर्फ भद्रा सुरेश पाटील आणि पवन पाटील (पूर्ण नाव माहित नाही) यांना काही तासात अटक केली आहे. याप्रकरणी सनी रवींद्र देवकर वय २३ रा.गाडगेबाबा नगर यांच्या फिर्यादीवरून पाचोरा पोलीस ठाण्यात गुन्हा दाखल करण्यात आला आहे. पुढील तपास पोलिस निरीक्षक किसनराव नजन पाटील करीत आहे.
