लाईव्ह महाराष्ट्र न्यूज : जळगाव येथील शासकीय वैद्यकीय महाविद्यालय व रुग्णालयात हुतात्मा दिनानिमित्त रविवारी ३० जानेवारी रोजी सकाळी दोन मिनिटे मौन पाळून हुतात्म्यांना श्रद्धांजली वाहण्यात आली. यावेळी रुग्णालयातील डॉक्टर्स, परिचारिका, अधिकारी, कर्मचारी, नागरिक उपस्थित होते.
सकाळी १०.५९ वाजता महानगरपालिकेचा भोंगा वाजताच सर्व सावधान स्थितीत एका जागी उभे राहिले. त्यानंतर दोन मिनिटे मौन पाळत हुतात्म्यांना श्रद्धांजली वाहण्यात आली. यावेळी उप अधिष्ठाता डॉ.किशोर इंगोले, वैद्यकीय अधीक्षक डॉ. विजय गायकवाड, डॉ. अरुण कसोटे, डॉ. वैभव सोनार, डॉ. बाळासाहेब सुरोसे, डॉ. एन.डी.महाजन, सुनीता इंगोले, संदीप बागुल विलास वंजारी, अजय जाधव, तेजस वाघ, अभिषेक पाटील आदि उपस्थित होते. सूत्रसंचालन जनसंपर्क सहायक विश्वजीत चौधरी यांनी केले.
