जळगाव प्रतिनिधी । शहरातील वाल्मिक नगरातील २८ वर्षीय महिला पती सोबत राहायचे नाही असे सांगून घरात कुणालाही काहीही न सांगता बेपत्ता झाल्याचा प्रकार उघडकीला आला आहे. याप्रकरणी शनीपेठ पोलीस ठाण्यात हरविल्याची नोंद करण्यात आली आहे.
शनीपेठ पोलीसांनी दिलेली माहिती अशी की, योगेश शिवाजी सपकाळे (वय-३०) रा. वाल्मिक नगर जळगाव हे पत्नीसह वास्तव्याला आहे. ते रिक्षा चालक असून रिक्षा चालवून आपल्या कुटुंबियांचा उदरनिर्वाह करतात. त्यांची पत्नी रूपाती योगेश सपकाळे (वय-२८) रा. वाल्मिक नगर जळगाव हे शनिवारी २९ जानेवारी रोजी दुपारी घरात कुणाला काहीही न सांगता निघून गेल्या आहे. त्यांचे पती योगेश सपकाळे यांनी परिसरासह नातेवाईकांकडे शोधाशोध केली परंतू कोठेही आढळून आलेल्या नाही. योगेश सपकाळे यांनी शनिपेठ पोलीस ठाण्यात धाव घेवून माहिती दिली. योगेश सपकाळे यांच्या खबरीवरून शनीपेठ पोलीस ठाण्यात दुपारी ३ वाजता महिला बेपत्ता झाल्याची नोंद करण्यात आली आहे. पुढील तपास पोलीस नाईक किरण वानखेडे करीत आहे.
