जामनेर : प्रतिनिधी
तालुक्यातील वडाळी दिगर येथील जि.प. प्राथमिक शाळा येथील उपक्रमशील शिक्षक संदिप मधुसूदन पाटील यांना ध्येय उद्योग समूह,अहमदनगर यांच्या तर्फे दिला जाणारा “राज्यस्तरीय आदर्श शिक्षक पुरस्कार” नुकताच माऊली सभागृह,सावेडी अहमदनगर येथे झालेल्या दिमाखदार कार्यक्रमात प्रदान करण्यात आला.
दैनिक युवा ध्येय च्या 13 व्या वर्धापन दिनानिमित्त आयोजित कार्यक्रमात पुरस्कार प्रदान करण्यात आला.या वेळी ज्येष्ठ साहित्यिक बबन पोतदार,अहमदनगर आकाशवाणी केंद्राचे केंद्रप्रमुख राजेंद्र दासरी,ध्येय उद्योग समुहाचे अध्यक्ष लहानु सदगीर व इतर मान्यवर,विविध पदाधिकारी,शिक्षक मोठ्या संख्येने उपस्थित होते.संदिप पाटील यांनी आतापर्यंत ढेकु खुर्द ता.अमळनेर,बिलवाडी ता.जळगाव या गावांमध्ये सेवा केली असून विद्यार्थ्यांसाठी शाळा आपल्या दारी,दप्तरमुक्त शनिवार,पढाई पे चर्चा,स्वच्छता सन्मान असे एक ना अनेक विविध नाविन्यपूर्ण उपक्रम राबविले आहेत.शैक्षणिक क्षेत्रात प्रशंसनीय कार्य केल्याबद्दल पुरस्कार प्रदान करत असल्याचे आयोजकांतर्फे यावेळी सांगण्यात आले.
