लाईव्ह महाराष्ट्र न्यूज : अनैतिक संबंधातून शहरातील एका भागातील राहणाऱ्या ३५ वर्षीय तरूणाचा ममुराबाद रोडवर गळा आवळून खून करण्यात आला होता. याप्रकरणी दोन जणांना अटक करण्यात आली होती. दोघांना शनिवारी २९ जानेवारी रोजी दुपारी न्यायालयात हजर केले असता २ फेब्रुवारीपर्यंत पोलीस कोठडी सुनावली आहे.
शहरातील एका भागात राहणारा मयत ३५ वर्षीय तरूण आपल्या आईवडील, पत्नी व भाऊ यांच्यासह वास्तव्याला होता. ममुराबाद रोडवर मयत तरूणाचा मृतदेह २७ जानेवारी रोजी दुपारी १ वाजता आढळून आला होता. पोलीसांनी मृतदेह जिल्हा शासकीय वैद्यकीय महाविद्यालयात शवविच्छेदन करण्यात आले असता वैद्यकीय अधिकारी यांनी गळा आवळून खून करण्यात आल्याचा अहवाल यांनी दिला. त्यानुसार जळगाव तालुका पोलीस ठाण्यात खूनाचा गुन्हा दाखल करण्यात आला होता. याप्रकरणात स्थानिक गुन्हे शाखेच्या पथकाने दोन जणांना अटक करण्यात आली होती. यातील मुख्य संशयित आरोपी आणि मयताची पत्नी यांचे गेल्या १ वर्षांपासून अनैनिक संबंध असल्याचा धक्कादायक माहिती समोर आली. अनैतिक संबंधासाठी खून केल्याची कबुली संशयित आरोपींनी दिली आहे. शुक्रवारी २८ जानेवारी रोजी दोघांना स्थानिक गुन्हे शाखेच्या पथकाने अटक करून जळगाव तालुका पोलीसांच्या ताब्यात देण्यात आले होते. शनिवारी २९ जानेवारी रोजी दोन्ही संशयित आरोपी यांना जिल्हा न्यायालयात हजर केले असता दोघांना २ फेब्रुवारीपर्यंत पोलीस कोठडी सुनावली आहे.
