जळगाव : प्रतिनिधी
धावत्या रेल्वेतून पडल्याने कमल रेवाराम पटेल (५३, रा. लोणारा, जि. खरगोन, मध्य प्रदेश) या परप्रांतीय इसमाचा मृत्यू झाला. ही घटना गुरुवारी (१२ सप्टेंबर) रात्री सव्वानऊ वाजेच्या सुमारास जळगाव ते भादली रेल्वेस्थानकादरम्यान घडली. याप्रकरणी तालुका पोलिस ठाण्यात अकस्मात मृत्यूची नोंद करण्यात आली आहे.
मिळालेल्या माहितीनुसार, गुरुवारी (१२ सप्टेंबर) रात्री सव्वानऊ वाजेच्या दरम्यान जळगाव ते भादली रेल्वेस्थानकादरम्यान रेल्वे खांबा क्रमांक ४२४/१४ ते ४२४/१६ दरम्यान धावत्या रेल्वेतून पडून एकाचा मृत्यू झाला. घटनेची माहिती मिळाल्यानंतर तालुका पोलिस ठाण्याचे पोहेकॉ सुधाकर शिंदे व जयेंद्रसिंग पाटील हे घटनास्थळी पोहोचले व मृतदेह शासकीय वैद्यकीय महाविद्यालय व रुग्णालयात रवाना करण्यात आला. या प्रकरणी सुरुवातीला तालुका पोलिस ठाण्यात अनोळखीचा मृत्यू म्हणून नोंद करण्यात आली होती. मात्र, मयताच्या खिशात आधार कार्ड सापडल्याने त्यावरून त्याची ओळख पटली व कमल पटेल असे त्याचे नाव असल्याचे स्पष्ट झाले. या प्रकरणी तालुका पोलिस ठाण्यात अकस्मात मृत्यूची नोंद करण्यात आली आहे.
