जळगाव : प्रतिनिधी
शहरातील शास्त्रीनगर भागात एका चहाच्या टपरीवर चार ते पाच टवाळखोरांनी एका बँक कर्मचाऱ्याला लोखंडी रॉड व चापटा-बुक्क्यांनी मारहाण केल्याची घटना मंगळवारी रात्री १० वाजता घडली. चौघांविरुध्द रामानंदनगर पोलिस ठाण्यात गुन्हा दाखल करण्यात आला आहे.
मिळालेल्या माहितीनुसार, संबंधित ३३ वर्षीय बँक कर्मचारी चहाच्या दुकानावर चहा पिण्यासाठी गेला असता, तेथे ही घटना घडली. मंगळवारी मध्यरात्री बँक कर्मचाऱ्याने दिलेल्या फिर्यादीनुसार आदेश सपकाळे, भावेश सपकाळे, भोजराज पवार (रा. शिवाजीनगर) व तेजस हटकर (रा. समतानगर) या चौघांविरुद्ध रामानंदनगर पोलिस ठाण्यात गुन्हा दाखल करण्यात आला आहे. तपास प्रवीण जगदाळे हे करत आहेत
