जळगाव : प्रतिनिधी
दोन भावांचे भांडण सुरू असताना बाजूला असलेल्या ललित सुनील कोळी (२०, रा. वाकडी, म्हसावद, ता. जळगाव) या तरुणाला ‘माझ्याकडे काय पाहतो’ असे म्हणत लोखंडी पाईपाने मारहाण केली. ही घटना ८ सप्टेंबर रोजी वाकडी येथे घडली. याप्रकरणी एका जणाविरुद्ध गुन्हा दाखल करण्यात आला आहे.
मिळालेल्या माहितीनुसार, वाकडी येथे दोन भावांचे भांडण सुरू होते. त्यातील एका जणाचे ललित कोळी या तरुणाकडे लक्ष गेले व माझ्याकडे काय पाहतो असे म्हणत खाली उतर, तुला बघतो, अशी धमकी दिली. याविषयी विचारणा करण्यासाठी तरुण गेला असता त्याला शिवीगाळ करत लोखंडी पाईपाने मारहाण करीत ‘तु जेथे भेटशील तेथे तुला जिवंत सोडणार नाही’, अशीही धमकी दिली. याप्रकरणी ललित कोळी या तरुणाने एमआयडीसी पोलिस ठाण्यात फिर्याद दिली. त्यावरून मारहाण करणाऱ्याविरुद्ध गुन्हा दाखल करण्यात आला आहे. पुढील तपास पोहेकों स्वप्नील पाटील करीत आहेत
