रावेर : प्रतिनिधी
तालुक्यातील खिर्डी ते विवरा रस्त्यावरील शेती शिवारादरम्यान एकाने २३० फूट उंचीच्या ट्रान्समिशन टावरवर चढून गळफास घेतल्याची घटना १० रोजी सकाळी १० वाजेच्या सुमारास उघडकीस आली. यामुळे परिसरात सर्वत्र खळबळ उडाली आहे.
मिळालेल्या माहितीनुसार, विवरा येथील शेतकरी किरण पंढरीनाथ सोनवणे यांच्या गट क्रमांक १३१मधील ट्रान्समिशन विजेच्या टावर वर चढून एका तरुणाने आपल्या अंगावरील शर्टाच्या साह्याने गळफास घेत आपली जीवन यांचा संपवली. या टावर खाली पॅन्ट व कुदळ पोलिसांना आढळून आली आहे. दरम्यान, घटनेची माहिती मिळताच पोलिसांना धाव घेत पॅन्टच्या खिशात पॅनकार्ड वरून मयताची ओळख पटवली. या मृताचे नाव ब्रिजेश कुमार (वय २५) असे असून तो छत्तीसगड राज्यातील कोरिया जिल्ह्यातील बरहोरी येथील रहिवासी असल्याचे निष्पन्न झाले. याबाबत निंभोरा पोलीस ठाण्यात विवरा बुद्रुक येथील पोलीस पाटील योगेश्वर प्रकाश पाटील यांनी दिलेल्या खबरीवरुन नोंद करण्यात आली आहे. तपास स.पो. नि. हरिदास बोचरे यांच्या मार्गदर्शनात पो.ना. अविनाश पाटील करत आहेत.
