जळगाव : प्रतिनिधी
जून्या वादाच्या कारणावरुन आकाश केशव पवार (रा. समता नगर) याने तरुणाला लाकडी दांडक्याने मारहाण करीत जखमी केले. ही घटना दि. ८ सप्टेंबर रोजी सायंकाळच्या सुमारास समता नगरता घडली. याप्रकरणी रामानंद नगर पोलिसात गुन्हा दाखल करण्यात आला आहे.
मिळालेल्या माहितीनुसार, शहरातील समता नगरात सुलोचना रविंद्र माळी (वय ६८) या वास्तव्यास आहे. जून्या वादाच्या कारणावरुन संशयित आकाश केशव पवार याने सुलोचना माळी यांचा मुलगा मुकेश याला लाकडी दांडक्याने मारहाण केली. लाकडी दांडका मुकेशच्या डोक्यात टाकल्यामुळे तो गंभीर जखमी झाला. याप्रसंगी सुलोचना माळी यांनी दिलेल्या तक्रारीवरुन संशयिताविरुद्ध रामानंद नगर पोलिसात गुन्हा दाखल करण्यात आला आहे.
